كيف بيشتغل شهاب، خطوة بخطوة

الربط

1. اربط القناة

   من لوحة شهاب: «ربط ماسنجر» أو «ربط واتساب» أو «ربط إنستغرام». بتسجّل دخول بحساب فيسبوك اللي بيدير الصفحة، بتوافق على الصلاحيات، وبتختار الصفحة أو الرقم. ما في كود يتنسخ ولا توكن يتبعت بالواتساب.

2. جرّب بنفسك

   بعد الربط، اللوحة بتعطيك رابط ورمز QR ورسالة فيها كود تجربة. بتبعتها من تلفونك وبتشوف رد شهاب قدامك قبل ما يشوفه أي زبون.

3. حمّل المنيو

   إذا عندك نظام كاشير مربوط (مثلاً Unify) المنيو والأسعار بتجي منه وبتضل متزامنة. وإذا لأ، بترفع المنيو مرة واحدة وبتعدّله من اللوحة.

4. سجّل مناطق التوصيل وأوقات الدوام

   اسم كل منطقة وأجرتها والفرع اللي بيخدمها، وأوقات دوام كل فرع. هاي البيانات هي اللي شهاب بيجاوب منها، فما بيحتاج يخمّن.

كيف بتمشي المحادثة

1. الزبون بيكتب زي ما بيحكي

   «لساتكم فاتحين؟»، «قديش التوصيل لبيتونيا؟»، «بدي وجبتين كرسبي ونص حار». ما في قوائم ولا أرقام يضغطها.

2. شهاب بيجاوب من بياناتك

   السؤال عن سعر أو صنف أو منطقة أو وقت دوام: الجواب من قائمتك وجداولك. كل سعر ومجموع وأجرة محسوبين بالكود، مش جاية من نص.

3. بيكمّل الطلب

   بيسأل عن الحجم والإضافات اللي الصنف بيسمح فيها، بيتأكد من المنطقة والعنوان والرقم، بيعرض المجموع، وبياخد تأكيد الزبون.

4. الطلب بيوصل للكاشير

   الطلب بينزل عند الفرع بالشكل اللي موظفيك متعودين عليه، وإذا الكاشير مربوط بينزل عليه مباشرة مع رقم مرجعي.

5. الزبون بيتابع طلبه

   رابط بيشوف منه حالة الطلب: وصل، تأكد، عم يتجهز، عالطريق. بدون ما يسأل «وين الطلبية؟» كل خمس دقايق.

وين بيوقف شهاب وبيحوّل

هاد الجزء الأهم، ومبني بالنظام مش بالنص: في حالات شهاب ممنوع يكمّل فيها لحاله.

• الزبون طلب يحكي مع موظف.
• شكوى عن طلبية أو عن جودة: بيعتذر، بيجمع التفاصيل، وبيحوّل لموظف.
• منطقة ما إلها أجرة مسجلة: ما بيعطي رقم من راسه.
• طلب خصم أو طلبية كبيرة أو سعر خاص: قرار إدارة، مش قرار بوت.
• سؤال عن حساسية أو مكوّنات ما إله جواب مؤكد.
• أي معلومة مش مسجلة عنده: «بتأكدلك» وتحويل، مش تخمين.

المحادثة بتوصل للموظف كاملة من أولها، فما بيحتاج الزبون يعيد كلامه ولا الموظف يقرا من جديد.

شو بيشوف صاحب المطعم

• صندوق موحّد لكل القنوات، بالعربي، مع كل المحادثات لحظة بلحظة.
• تدخّل بأي وقت: بتكتب إنت، أو بتوقّف الرد الآلي على محادثة أو على القناة كلها.
• الطلبات وحالتها، وحالة الإرسال للكاشير.
• المنيو والأسعار والأصناف اللي خلصت، ومناطق التوصيل وأوقات الدوام.
• حالة كل قناة: واصلة رسائل؟ الصلاحيات تمام؟ آخر رد وشو صار فيه.
• تشغيل تدريجي: نسبة من المحادثات لشهاب والباقي لموظفيك.

قبل ما يشوف زبون أي رد

كل نسخة من شهاب بنجرّبها من جديد على محادثات حقيقية من أرشيف صفحة المطعم نفسه: نفس أسئلة الزبائن القديمة، وبنقارن رد شهاب برد الموظف اللي صار فعلاً، سؤال سؤال. هيك بنعرف إذا النسخة الجديدة أحسن أو أسوأ على مطعمك إنت، مش على مطعم افتراضي.

أسئلة متكررة

• شهاب على واتساباستقبال الطلبات والرد على رقم واتساب المطعم.
• شهاب على ماسنجررسائل صفحة الفيسبوك.
• شهاب على إنستغرامالرسائل الخاصة على إنستغرام.
• صفحة الطلب أونلاينمنيو كامل على رابط خاص بمطعمك، بدون تطبيق.

بدك تشوفه على منيو مطعمك؟ ابعتلنا اسم المطعم ورابط صفحته.

تواصل معنا على واتسابsupport@shihab.co.uk