رقم جديد للمطعم
رقم مخصص للطلبات، منفصل عن تلفون المدير. الربط من اللوحة: الاسم الظاهر، الرقم، وكود التحقق اللي بيوصل عليه.
شهاب على واتساب: رد على الزبائن واستلام طلبات
واتساب صار القناة اللي الزبون بيتوقّع منها رد فوري. شهاب بيرد على رقم مطعمك بنفس اللهجة، وبيكمّل الطلب لآخره بدون ما يستنى حد.
شو بيصير على الرقم
- «قديش وجبة البروست؟» سعر من قائمتك، مش من ذاكرة موظف.
- «بتوصلوا لرفيديا؟» جواب من جدول مناطقك، مع الأجرة إذا مسجلة.
- «لساتكم فاتحين؟» من أوقات دوام الفرع، وإذا مش مؤكد بيقول إنه مش مؤكد.
- «بدي وجبتين كرسبي ونص حار، توصيل» طلب كامل مع الإضافات والمجموع والعنوان.
- «وين الطلبية؟» رابط متابعة لحالة الطلب.
- شكوى أو طلب خاص: تحويل لموظف مع المحادثة كاملة.
رقم جديد أو نفس رقمك
نفس رقمك على واتساب للأعمال
الرقم اللي زبائنك حافظينه بيضل هو هو، وتطبيق واتساب للأعمال بيضل شغال على التلفون مع شهاب على نفس الرقم.
بالحالتين الربط من لوحة شهاب مع Meta مباشرة. ما في توكن تنسخه ولا سكربت تركّبه، وما في حد من برا بيشوف رسائلك.
قواعد واتساب، وبنمشي عليها
واتساب إله قواعد حقيقية، وأي حل ما بيحترمها بيخلي الرقم بخطر. أهمها: بعد 24 ساعة من آخر رسالة للزبون، ما بتقدر تبعتله رسالة حرة، لازم قالب معتمد من Meta. شهاب بيتعامل مع هاد بدل ما يتجاهله: الردود جوا الـ 24 ساعة طبيعية، وبعدها قالب معتمد، مش رسالة حرة مرفوضة.
- حالة الرقم وجودته ظاهرة باللوحة.
- الزبون اللي بيوقف الرسائل بنحترم قراره.
- ما في إرسال جماعي ولا أرقام مشتراة: شهاب بيرد على اللي بيكتبلك.
أسئلة متكررة
هل بضل أقدر أستخدم واتساب من تلفوني؟
آه، إذا اخترت تضل على نفس رقمك. تطبيق واتساب للأعمال بيضل شغال، وبتقدر تتدخل بأي محادثة وقت ما بدك.
شو إذا بدي أوقف الرد الآلي؟
من اللوحة: بتوقّف شهاب على محادثة واحدة، أو على الرقم كله، بضغطة. والرسائل بتضل توصلك عادي.
هل بيرد على الرسائل الصوتية؟
آه. شهاب بيسمع الرسالة الصوتية وبيرد عليها زي ما بيرد على الرسالة المكتوبة، وبتشوف نصها تحت الرسالة باللوحة. والرسالة اللي ما بيقدر يفهمها بتتحوّل لموظف بدل ما تضل بدون جواب.
هل بقدر أجرّب قبل ما يشوفه الزبائن؟
آه. بعد الربط اللوحة بتعطيك رابط ورمز QR ورسالة فيها كود تجربة، وبتشوف الرد قدامك. وفي وضع تجربة الطلبات فيه ما بتوصل للمطبخ.
- كيف يشتغل شهابمن الربط لحد وصول الطلب للكاشير.
- شهاب على ماسنجررسائل صفحة الفيسبوك.
- شهاب على إنستغرامالرسائل الخاصة على إنستغرام.
بدك رقم واتساب يرد ويستلم طلبات؟ ابعتلنا اسم المطعم.